Բարելավվում են հատուկ կարիքավոր աշխատակիցների պայմանները ԱԻՆ-ում
15-01-2019 15:08:36 | Հայաստան | Հասարակություն
Հունվարի 15-ին ՀՀ արտակարգ իրավիճակների նախարարի պաշտոնակատար Ֆելիքս Ցոլակյանն ԱԻՆ հաշմանդամություն ունեցող աշխատակիցներին հանձնեց 9 միավոր շարժասայլակ:
Շարժասայլակներից 6-ը գերատեսչության աշխատակիցներին նվիրաբերել էր ՀՀ նախագահ Արմեն Սարգսյանը՝ 2018 թվականի դեկտեմբերի 30-ին ԱԻ նախարարություն կատարած այցի ընթացքում:
Շարժասայլակների հանձնման արարողության ընթացքում ԱԻ նախարարի պաշտոնակատար Ֆելիքս Ցոլակյանը նշեց. «Մեր աշխատակիցների պայմանների բարելավումը իմ անմիջական ուշադրության կենտրոնում է: ԱԻ նախարարությունը ձեռք է բերել շարժասայլակներ, և այս գործընթացը շարունակական է լինելու: Շնորհավորում եմ, մաղթում եմ ձեզ առողջություն և հաջողություններ ձեր աշխատանքում»: