«Ամեն ինչ արվում է Մհեր Ենոքյանի գործը չվերաբացելու համար». Հրանուշ Խառատյան (ՏԵՍԱԳՐՈՒԹՅՈՒՆ)
16-01-2019 15:37:17 | Հայաստան | Մամուլի սրահ
Հունվարի 16-ին «Նոյյան Տապան» լրատվական գործակալության մամուլի սրահում տեղի ունեցավ քննարկում։
Թեման՝ «Մհեր Ենոքյանի ներման հարցի հանրային ընկալումների վերաբերյալ՝ մտավորականների դիտարկումները»։
Բանախոսներն են՝
Հրանուշ Խառատյան - ազգագրագետ
Տեր Գրիգոր քահանա Հովհաննիսյան - Ցմահ դատապարտյալների հոգևոր հովիվ
Վիգեն Ավետիս - քանդակագործ
Հերքւմ
Այսօրվա ասուլիսի ընթացքում ներկայացվել է մտավորականների կողմից ՀՀ նախագահին ուղղված միջնորդությունը, որը գրված է եղել և ՀՀ նախագահին է ուղղարկվել դեռոս 2018 հունիս 27-ին։ Ասուլիսավարը սխալմամբ այն ներկայացրել է որպես նոր գրված միջնորդություն։
Ասուլիսի ընթացքում նեկայացվեց՝
Հատված 2018 թվականի հունիսի 27-ին 60 մտավորականների կողմից ՀՀ նախագահին ուղղված
ՆԵՐՄԱՆ ՄԻՋՆՈՐԴՈՒԹՅՈՒՆ-ից
«Մեծարգո պարոն Նախագահ
Մենք` ներքոստորագրյալներս՝ արվեստագետներ, մտավորականներ, իրավաբաններ, իրավապաշտպաններ, հասարակական գործիչներ դիմում ենք Ձեզ մարդասիրական խնդրանքով՝ կիրառել ՀՀ Սահմանադրությամբ Ձեզ վերապահված ներման ինստիտուտը: Խոսքը ցմահ դատապարտյալ Մհեր Ենոքյանի մասին է, ով պատիժ է կրում 22 տարի, բանտում ստացել է իրավաբանի բարձրագույն կրթություն և պայքարում է իր քրեական գործերի վերաբացման համար»…
...«Մենք վշտակցում ենք տուժողի հարազատներին՝ կիսելով նրանց ցավը: Երբ տեղի է ունենում անդառնալի կորուստ, հասարակությունը պարտվում է: Երբ տեղի է ունենում անարդարություն, հասարակությունը կրկնակի է պարտվում: Մենք դատավորներ չենք, չենք կարող և չենք ցանկանում մտնել մարդուն մեղադրելու կամ արդարացնելու դաշտ, բայց մենք հասարակության ներկայացուցիչներ ենք, ում անունից կայացվում են դատավճիռները: Մենք ուզում ենք ապրել Հայաստանում, որտեղ արդար դատաքննության իրավունքը, առհասարակ՝ մարդու հիմնական իրավունքները կհարգվեն ու կպաշտպանվեն, իսկ մարդասիրության սկզբունքը կլինի կիրառելի»…
Հավելյալ տեղեկությունների համար դիմել 060-35-11-24 կամ 093-669-339 հեռախոսահամարներով՝ Մարի Պետրոսյանին։
ՀԱՅԵՐԵՆ
Русский
English
Դաս. հայերեն
French
