Մարզվում են թիավարները

18-01-2019 18:40:22   | Հայաստան  |  Սպորտ
Հունվարի 14 –ից Ծաղկաձորում ուսումնամարզական հավաք են անցկացնում կանոէ և բայդարկա մարզաձևերի երեքական մարզիկներ: Պարապմունքները ղեկավարում են հավաքականի մարզիչներ, երևանցի Մարտին Շահվալադյանը / բայդարկա/ և սևանցի Ավետիք Մալխասյանը / կանոէ /:
 


Ընդհանուր և հատուկ ֆիզպատրաստականության որակները բարելավելու նպատակով է կազմակերպվել հավաքը: Տղաներն օրեկան մասնակցում են երեք մարզման: Նրանք զբաղվում են դահուկավազքով, լողով, աշխատում են մարզոցներով, վարժասարքերով: Ձյան վրա
և լողավազանում նաև թիավարների շարժումներին նմանակող, մոտեցնող հատուկ վարժություններ են կատարում:
 
Կանոիստների համար մրցաշրջանում առաջնայինը Մինսկում հունիսին անցկացվելիք եվրոպական մարզական երկրորդ խաղերում լավ հանդես գալն է: Տղաներն այնտեղ կմրցեն 1000 մետր ջրուղում: Բացի այդ նրանք
բայդարկավարների հետ հանդես կգան Հունգարիայում օգոստոսին կայանալիք աշխարհի առաջնությունում, որտեղ կվիճարկվեն Տոկիոյի օլիմպիական խաղերի ուղեգրեր:
 
Թիավարների ուսումնամարզական ծաղկաձորյան հավաքը կավարտվի հունվարի 31 –ին:
 
ՀԱՕԿ լրատվական բաժին
Նոյյան տապան   -   Սպորտ
Լուրեր Հայաստանից եւ Սփյուռքից

Կարդացել են 790 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար