Մանվել Գրիգորյանի գույքի հետ կապված առայժմ գործընթաց չկա. Նարեկ Բաբայան (ՏԵՍԱՆՅՈՒԹ)
24-01-2019 16:11:43 | Հայաստան | Հասարակություն
Մանվել Գրիգորյանի գույքի հետ կապված առայժմ գործընթաց չկա:
Ինչպես հունվարի 24-ին կայացած կառավարության նիստից հետո տեղեկացրեց տնտեսական զարգացման և ներդրումների նախարարության պետական գույքի կառավարման կոմիտեի նախագահ Նարեկ Բաբայանը, Մանվել Գրիգորյանին պատկանող տարածքները պետության կողմից որպես նվիրաբերություն ընդունելու գործընթացը պետք է սկսվի կառավարության համապատասխան որոշումից հետո, որն առայժմ չկա:
Անդրադառնալով Արմեն Ավետիսյանի ընտանիքին պատկանող «Գոլդեն փելըս» հյուրանոցի ճակատագրին՝ Նարեկ Բաբայանն ընդգծեց, որ այս պահին հյուրանոցը տնօրինում են հենց Ավետիսյանները, իսկ այն լուրը, թե դրա տնօրինումն իրականացնում է Սասուն Միքայելյանի որդին, ապատեղակատվություն է։