Առանց մեծածավալ գումարների ներդրման Հայաստանում չի կարող տնտեսական հեղափոխություն լինել. Միքայել Մելքումյան (ՏԵՍԱՆՅՈՒԹ)
18-02-2019 14:49:17 | Հայաստան | Տնտեսություն
Առանց մեծածավալ գումարների ներդրման Հայաստանում չի կարող տնտեսական հեղափոխություն լինել:
Այս մասին փետրվարի 18-ին ԱԺ ճեպազրույցների ժամին նշեց «Բարգավաճ Հայաստան» խմբակցության պատգամավոր Միքայել Մելքումյանը:
Ըստ նրա՝ խոշոր ներդրումները ենթադրում են խաղի հստակ կանոններ և երաշխքիներ իրենց անվտանգության համար:
«Դեռևս այդ երաշխիքները և ներդրումների անվտանգության համակարգը նոր պետք է ձևավորվի: Պարոն Ծառուկյանն իր անելիքն անպայման անելու է, հանդիսանալու է կամուրջ խոշոր ներդրողների և Հայաստանի տնտեսական զարգացման համար, բայց միևնույնն է, պետք է կառավարությունը տա այդ երաշխիքները: Մենք կփորձենք այդ գործընթացն անկախ նրանից թե մենք ոնց ենք քննարկել, ի շահ մեր ժողովրդի և ի շահ մեր պետության զարգացման անպայման անել, և կյանքը ցույց կտա, թե դեպքերն ինչպես կզարգանան»,- ընդգծեց Մ. Մելքումյանը:
Վերջինիս խոսքերով՝ կառավարության ծրագրում նշված հինգ թվերից, մասնավորապես, հինգ տարվա կտրվածքով արտահանման ծավալի և ՀՆԱ-ի ակնկալվող ցուցանիշների մեջ խնդիր կա: