Հայաստանի Կիոկուշին կարատեի ֆեդերացիայի գրանցած հերթական հաղթանակն այս անգամ Բաթումիում էր
21-02-2019 14:10:09 | Հայաստան | Մամլո հաղորդագրություն
Երեկ՝ փետրվարի 20-ին, Հայաստանի Կիոկուշին կարատեի ֆեդերացիայի պատվիրակությունը՝ հիմնադիր-նախագահ Անդրանիկ Հակոբյանի ղեկավարությամբ,
Բաթումիում մասնակցեց «Հայաստան-Վրաստան թիմային առաջնությանը»: Հայաստանյան հավաքականը 9:7 հաշվով հաղթանակ տարավ վրաստանյան հավաքականի նկատմամբ՝ թիմային արդյունքներով գրավելով առաջին հորիզոնականը: Առաջնությանը մասնակցում էին նաև Աշխարհի և Եվրոպայի գործող չեմպիոններ: Գրանցած հաղթանակը ֆեդերացիայի պատանեկան հավաքականի համար կհանդիսանա մի շատ կարևոր հարթակ՝ առաջիկայում կայանալիք Եվրոպայի առաջնությանն ընդառաջ ևս մեկ փորձառություն ձեռք բերելու համար:
ՀԱՅԵՐԵՆ
Русский
English
Դաս. հայերեն
French
