Իրան-Ադրբեջան սահմանին՝ Հորադիզի մոտ, փոխհրաձգություն է եղել․ ադրբեջանցի սահմանապահը սպանվել է
10-03-2019 21:06:26 | Ադրբեջան | Ի՞նչ է գրում մամուլը
Վաղ առավոտյան փոխհրաձգություն է տեղի ունեցել Իրան-Ադրբեջան սահմանի այն հատվածում, որը գտնվում է Արցախի Հորադիզի հարևանությամբ։ Իրանից զինված խումբը փորձել է մտնել Ադրբեջան, ինչը նկատելով՝ ադրբեջանական կողմը կրակ է բացել նրանց ուղղությամբ։ Այս մասին հայտնում է ադրբեջանական կողմը։
Զինված խմբի անդամները պատասխանել են ադրբեջանցի սահմանապահների կրակոցներին։ Փոխհրաձգության ընթացքում ադրբեջանցի երկու սահմանապահ վիրավորում է ստացել, մեկը՝ սրտի շրջանում, մյուսը՝ ձեռքի։ Առաջինը մահացել է հիվանդանոցի ճանապարհին։ Երկրորդը ողջ է մնացել ու մեդալ է ստացել Ադրբեջանի սահմանապահ ծառայության ղեկավարի կողմից։
Ինչ վերաբերում է Իրանից Ադրբեջան անցնելու փորձ կատարած զինված խմբի անդամներին, նրանց հաջողվել է խուսափել ձերբակալությունից։ Նրանց գտնվելու վայրը հայտնի չէ։
ՀԱՅԵՐԵՆ
Русский
English
Դաս. հայերեն
French
