Ամեն ինչ մարդու համար. սա այն ելակետն ու սկզբունքն է, որն ունի նախարարությունը. Սմբատ Սաիյան

18-03-2019 16:01:16   | Հայաստան  |  Մամլո հաղորդագրություն
Աշխատանքի և սոցիալական հարցերի նախարարի տեղակալ Սմբատ Սաիյանն ընդունել է Հայաստանի Հանրապետությունում Ֆինլանդիայի Հանրապետության արտակարգ և լիազոր դեսպան Արյա Մակոնենին:
 


Սմբատ Սաիյանը հյուրերին ներկայացրել է
նախարարության առաջնահերթությունները և ընդգծել, որ հաշմանդամություն ունեցող անձանց իրավունքների պաշտպանության խնդիրները դրանցից մեկն են:
 
«Մեր երկրում նշված ոլորտում աշխատանքներն իրագործվում են երկու ուղղությամբ՝ հաշմանդամություն ունեցող անձանց իրավունքների պաշտպանության կառուցակարգերի ու մեխանիզմների կատարելագործում և հաշմանդամություն ունեցող անձանց կարիքների գնահատման ընդհանուր ընթացակարգերի վերանայում՝ հիմքում ունենալով Առողջապահության համաշխարհային կազմակերպության ֆունկցիաների միջազգային դասակարգման մեխանիզմները»,- նշել է նախարարի տեղակալը:
 
Նախարարության պաշտոնյաները դեսպանին ներկայացրել են նաև հաշմանադամություն ունեցող անձանց մատուցվող ծառայությունները՝ աջակցող սարքերի տրամադրում, դրամական նպաստներ և այլն:
 
Պարոն Սաիյանը զրույցի ընթացքում առանձնացրել է ոլորտի երկու կարևոր խնդիր՝ ոլորտի ապաինստիտուցիոնալացումն ու այլընտրանքային ծառայությունների մակարդակի և որակի բարելավումը: Խոսվել է նաև հասարակական կազմակերպությունների հետ համագործակցության մասին: Պարոն Սաիյանն ընդգծել է, որ ՀԿ-ների դերը ոլորտի զարգացման, խնդիրների վերհանման, ինչպես նաև՝ լուծումներ գտնելու հարցում անգնահատելի է:
 
«Ամեն ինչ շահառուի համար, ամեն ինչ մարդու համար. սա այն ելակետն ու սկզբունքն է, որն ունի նախարարությունը սոցիալական պաշտպանության ոլորտում իրագործվող աշխատանքների և ծրագրերի հիմքում»,- ասել է նախարարի տեղակալը:
 
Դեսպան Մակոնենը շնորհակալություն է հայտնել ընդունելության և նախարարության ծրագրերի վերաբերյալ հանգամանալից ներկայացման համար և նշել, որ պատրաստակամ են համագործակցել և աջակցել՝  հաշմանդամություն ունեցող անձանց իրավունքների պաշտպանության ոլորտում իրականացվող բարեփոխումների գործընթացին:
 
Աշխատանքի և սոցիալական հարցերի նախարարության հասարակայնության հետ կապերի բաժին
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 276 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար