Էրդողանը Կարսը եւ Իգդիրը հանձնել է Ալիեւին

20-03-2019 12:45:17   | Թուրքիա  |  Ի՞նչ է գրում մամուլը
Թուրքական Gazeteduvar կայքը գրում է, որ Հայաստանի հետ սահմանակից Կարս եւ Իգդիր նահանգներում ՏԻՄ ընտրություններին Էրդողանի «Արդարություն եւ զարգացում» կուսակցությունը թեկնածու չի առաջադրել եւ պաշտպանելու է «Ազգայնական շարժում» կուսակցության թեկնածուներին։ Ըստ կայքի, Ադրբեջանի նախագահ Իլհամ Ալիեւը Էրդողանից պահանջել է Հայաստանի հետ սահմանակից նահանգները հանձնել ազգայնական ուժերին՝ հայամետ քրդական կուսակցությանը հաղթելու շանսեր չտալու համար։
 


Կարսի ու Իգդիրի նահանգներում վերջին տարիներին տեղի է ունենում ադրբեջանական բնակչության վերաբնակեցում, Իգդիրում ադրբեջանցիները կազմում են բնակչության մի զգալի մասը: Այս նահանգներում Բաքուն նաեւ խոշոր ներդրումներ է անում: Մտադրություն կա Նախիջեւանը եւ Կարսը կապել տարբեր հաղորդակցություններով, տնտեսական նույն գոտու մեջ ներառելու նպատակով:
 
Այսպիսով, Անկարան ու Բաքուն մտադիր են փոխել այս նահանգների բնակչության հաշվեկշիռը հօգուտ թուրք բնակչության:
 
Երկու տարի անց լրանում է Մոսկվայի ռուս-թուրքական պայմանագրի 100-ամյակը, որով Հայաստանի կազմում գտնվող Նախիջեւանը, Կարսը եւ Իգդիրը անցել են Թուրքիային ու Ադրբեջանին: Հայաստանի ստորագրությունը չկա այդ պայմանագրի տակ:
 
Ներկայում Անկարան ու Բաքուն փորձում են թույլ չտալ պայմանագրի վերանայումը, այդ թվում Ռուսաստանի ու Վրաստանի աջակցությամբ: Նշենք, որ 1946 թ. Սովետական կառավարությունը մտադիր էր այս նահանգները վերամիավորել Հայաստանին, մի փոքր հատված էլ՝ Վրաստանին, եւ վերջինս ամեն կերպ խոչընդոտեց այս ծրագրին: Նշենք նաեւ, որ Բաթումն ու Աջարիայի մի մասը Վրաստանին են անցել Մոսկվայի 1921 թ. պայմանագրով:
 
 
 
նպատակով:   Այսպիսով,
Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից

Կարդացել են 466 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար