ԵՊԲՀ Իրանցի ուսանողները տոնում են իրենց Նոր տարին` Նովրուզը

20-03-2019 18:35:56   | Հայաստան  |  Մամլո հաղորդագրություն
Այսօր ԵՊԲՀ -ում, իրանցիները տոնական մթնոլորտում, ազգային երգ ու պարով նշեցին Իրանի իսլամական հանրապետության Ամանորը՝ Նովրուզը:
 

Նովրուզը՝ ըստ Իրանի օրացույցի, նշվում է գարնան առաջին օրը՝ մարտի 21-ին: Պատրաստում են սեղան, որի վրա դնում են Ս տառով յոթ առարկա՝ ափսեում չքաղված նորածիլ կանաչի (սաբզե), ածիկ (սամանու), փշատ (սենջեդ), սխտոր (սիռ), խնձոր (սիբ), աղտոր
կամ սումախ (սոմաղ) և քացախ (սեռքե)։
 
Դրվում է նաև հայելի, կենդանի ոսկե ձկնիկներ՝ ջրի մեջ, սմբուլներ (հիացինտներ), ներկած հավկիթներ, մետաղադրամներ, որոնցից յուրաքանչյուրն իր իմաստն ունի։
 
Ածիկը ծաղկման, բերքատվության նշան է, խնձորն առողջության նշան է, փշատը՝ սիրո, սխտորը՝ ուրախության, մետաղադրամը առատության նշան է, հայելին՝ լուսավորության, ջուրը՝ մաքրության, ձուկը՝ կյանքի...
 
Իրանցիները Նովրուզը տոնում են գիշերահավասարին ՝ ժամը 1 անց 15 րոպեին, այնուհետև սկսվում են շնորհավորանքները, մեկը մյուսի տուն գնալը:
 
Նշենք, որ Երևանի Մխիթար Հերացու անվան պետական բժշկական համալսարանում սովորում են 165 իրանի քաղաքացիներ:
 
 
 
ԵՊԲՀ լրատվական ծառայություն
 
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 300 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար