Կայացել է «ՀԱՅԿԱԿԱՆ ՌԵՍՏՈՐԱՆՆԵՐԻ ՄԻՈՒԹՅԱՆ» (ՀՌՄ) հիմնադիր ժողովը

25-03-2019 11:05:01 | Հայաստան | Մամլո հաղորդագրություն

Մարտի 23-ին, կայացավ «ՀԱՅԿԱԿԱՆ ՌԵՍՏՈՐԱՆՆԵՐԻ ՄԻՈՒԹՅԱՆ» (ՀՌՄ) հիմնադիր ժողովը, որի ընթացքում ներկայացվեցին նորաստեղծ կառույցի գործառույթները, առաքելությունն ու գործունեության նպատակները, պետություն-ռեստորանային բիզնես փոխշահավետ համագործակցության ուղիները:

Ներկաներին ՀՀ վարչապետ Նիկոլ Փաշինյանի անունից առաջինը ողջունեց գլխավոր խորհրդական Արսեն Գասպարյանը՝ շնորհավորելով համաժողովի մասնակիցներին և մաղթելով հաջողություն հետագա գործունեության ընթացքում:

ՀՀ գյուղատնտեսության նախարար Գեղամ Գևորգյանն իր խոսքում նշեց, որ այս նախաձեռնությունը պետության և մասնավոր հատվածի միջև համագործակցության հիանալի հարթակ է: Ըստ նախարարի` նման համագործակցությունը կարող է խթան հանդիսանալ գյուղատնտեսության ինտեսիվ զարգացման համար:

Իր ելույթում Երևանի փոխքաղաքապետ Սերգեյ Հարությունյանը նշեց, որ Երևանի քաղաքապետարանը միշտ պատրաստ է լինել գործընկեր, փոխադարձ հարգանքի և զիջումների ճանապարհով գտնել ամենաօպտիմալ լուծումը ոլորտի և համայնքների զարգացման համար:

Համաժողովի նախաձեռնողներից, «Երեմյան Փրոջեքթս» ընկերության գլխավոր տնօրեն Դավիթ Երեմյանն իր ելույթում նշեց. «Ողջունում եմ ոչ միայն Միության և Միության ստղեծման գաղափարը, այլև՝ մեզ, որ մենք միասին կարողացանք լուծել մեր ոլորտի զարգացումը խաթարող լուրջ խնդիրը, կարողացանք տեր կանգնել մեր շահերին ու ապացուցել, որ այս ոլորտի զարգացումն ապահովողը մենք ենք»:

Դավիթ Երեմյանը նշեց նաև մի շարք խնդիրներ, որոնք անհետաձգելի են և կարևոր ոլորտի զարգացման տեսանկյունից՝ պետական կառույցների հետ արդյունավետ համագործակցության հաստատում, խոհարարի և մատուցողի մասնագիտությունների հեղինակության բարձրացում, սպասարկման ոլորտի բարեփոխում, տեղական արտադրողների և գյուղական համայնքների հետ համագործակցություն, հայկական խոհանոցն արտերկրում պատշաճ ներկայացնելը և այլն:

«Այս խնդիրները պետք է դառնան նպատակներ, հանձնարարականներ մեր միության համար։ Եվ մենք դրանք աստիճանաբար լուծելով, կհասնենք հաջողության շնորհիվ մեր միասնության և արդեն՝ շնորհիվ Հայաստանի Ռեստորանների Միության»,-ասաց Դ. Երեմյանը:

Խոսելով կառույցի ստեղծման անհրաժեշտության մասին, Համաժողովի նախաձեռնողներից “MBG Hospitality”-ի օպերացիոն տնօրեն Աշոտ Բարսեղյանն ասաց. ՙՄիությունը Հայաստանի հանրային սննդի ոլորտում գործունեություն ծավալող կազմակերպություններին և ոլորտի պրոֆեսիոնալներին, փորձագետներին միավորող մի հարթակ է լինելու: Այն ներկայացնելու է ինչպես իր անդամների, այնպես էլ ոլորտի բոլոր ներկայացուցիչների շահերը, պարբերաբար քննարկելու ենք ոլորտի հնարավորություններն ու մարտահրավերները, որոնք ծառացած են մեր առջև և որի շուրջ պետք է համախմբվենք միասնական և համակարգային լուծումներ գտնելու նպատակով՚:

Համաժողովի նախաձեռնող խմբի նիստում բաց քվեարկությամբ ընտրվեց Հայկական ռեստորանների միության կառավարման խորհուրդը:

Ձևավորված կառավարման խորհրդի Առաջին նիստում կընտրվի նաև խորհրդի նախագահը կամ նախագահող խումբը, որը հետագայում կներկայացնի կառույցն ու վերջինիս գործնեության արդյունքները:

Ներկայացնելով ՀՌՄ սկզբունքները՝ Համաժողովի նախաձեռնողներից, «Դարգեթ» ռեստորանի համահիմնադիր Հովհաննես Դուրգարյանն ասաց. «Վսատհ եմ, որ այստեղ ներկաներից յուրաքանչյուրն ունի իր ներուժն ու պատրաստկամությունը աջակցելու Միությանը: Խորհուրդի բոլոր նիստերը բաց են և ոլորտից յուրքանչյուրը կարող է մասնակցել և ներկայցնել իր առաջարկները»:

«ՀԱՅԿԱԿԱՆ ՌԵՍՏՈՐԱՆՆԵՐԻ ՄԻՈՒԹՅԱՆ» ԿԱՌԱՎԱՐՄԱՆ ԽՈՐՀՈՒՐԴԻ ԱՆԴԱՄՆԵՐ

1. Դավիթ Երեմյան - «Պանդոկ Երևան» ռեստորանների ցանց, «Երևանի Շաուրմա» արագ սննդի ռեստորանների ցանց, «Լավաշ» ռեստորան, «Շերեփ» ռեստորան, «Պանդոկ Երևան գետափին» ռեստորան

2. Արթուր Մարգարյան - «Սալոն» ռեստորան, «Լա Բոհեմ» սրճարան-ռեստորան, «Շառլ» ռեստորան

3. Հովհաննես Դուրգարյան - «Անուշ» ռեստորան, «Դառգետ» գարեջրատուն

4. Արսեն Հովհաննիսյան - «Ասադոր» ռեստորան, «ԹայՎայն Ռեփաբլիք» ռեստորան, «Վայն Ռեփաբլիք» ռեստորան

5. Աշոտ Բարսեղյան - «Էմ Բի Ջի Հոսփիթալիթի»

6. Տիգրան Սողոմոնյան - «Մեցցո Քլասիք Հաուս Քլաբ»

7. Վարո Մարգարյան - «Դռագոն Գառդեն» ռեստորան

8. Էմիլ Պետրոսյան - «Լ'Օրանժ» բար

9. Տիգրան Յուզբաշյան – «Կարաս – ազգային սննդի ցանց»

10. Բակուր Մելքոնյան - «Արտ Լանչ» ճաշարանների ցանց

11. Արմեն Գևորգյան - «Քոֆիշոփ Քոմփնի» սրճարան-ռեստորան, «Սպարտա Գիրոս» ռեստորան

12. Անդրանիկ Գրիգորյան - «Ակումբ» («The Club»), «Ին Վինո» գինու բար, «Տապաստան» տապաս-ռեստորան

13. Աշոտ Բաղդասարյան - «Հավանա» ռեստորանային համալիր