Անկախ դատական համակարգ ունենալու ճանապարհին պատրաստ ենք գնալ մինչև վերջ. Վարչապետը՝ ԵԽԽՎ-ում (ՏԵՍԱՆՅՈՒԹ)
11-04-2019 17:18:49 | Հայաստան | Քաղաքական
ՀՀ վարչապետ Նիկոլ Փաշինյանն այսօր ծավալուն ելույթ ունեցավ Եվրոպայի խորհրդի խորհրդարանական վեհաժողովի (ԵԽԽՎ) լիագումար նիստում, որից հետո պատասխանեց ԵԽԽՎ պատգամավորների հարցերին:
Դատական համակարգի անկախությանն առնչվող հարցերից մեկին ի պատախան՝ ՀՀ վարչապետը ևս մեկ անգամ վերահաստատեց, որ անկախ դատական համակարգ ունենալու ճանապարհին գործող իշխանությունները պատրաստ են գնալ մինչև վերջ:
Ըստ Ն. Փաշինյանի՝ Հայաստանի ներկայիս կառավարությունը շատ լավ հասկանում է, որ առանց իսկապես անկախ դատական համակարգի՝ հնարավոր չէ վերջնականապես երաշխավորել երկրում ժողովրդավարության ինստիտուցիոնալ և շարունակական ուժեղացումը:
«Ունենք արդյոք այսօր այդպիսի դատական համակարգ. Ցավոք սրտի, ես չեմ կարող Ձեզ 100 տոկոսով երաշխիք տալ, բայց ես Ձեզ կարող եմ 100 տոկոսով երաշխավորել, որ մեր կառավարությունը վերացրել է, դադարեցրել է ենթադրաբար գոյություն ունեցող այն պրակտիկան, երբ որ դատական համակարգն ուղղորդվում էր կառավարության կողմից: Մենք ամբողջապես հրաժարվել ենք այս գործելակերպից»,- ընդգծեց վարչապետը:
Վերջինիս խոսքերով՝ ինքն անձամբ առայժմ չունի համոզվածություն, որ Հայաստանի ներկայիս դատական համակարգում կոռուպցիա չկա:
ՀԱՅԵՐԵՆ
Русский
English
Դաս. հայերեն
French
