Եթե բանակցությունների սեղանի շուրջ մեկը մյուսին փորձեց խաբել, ուրիշ տեղ կհասնենք. Վարչապետ (ՏԵՍԱՆՅՈՒԹ)
15-04-2019 17:37:34 | Հայաստան | Քաղաքական
Եթե բանակցությունների սեղանի շուրջ մեկը մյուսին փորձեց խաբել, ուրիշ տեղ կհասնենք:
Այս մասին այսօր Ագրարային համալսարան կատարած ճանաչողական այցից հետո լրագրողների հետ ճեպազրույցում նշել է ՀՀ վարչապետ Նիկոլ Փաշինյանը:
Լրագրողի այն դիտարկմանը, թե Հայաստանն անվերջ խաղաղություն է քարոզում, մինչդեռ Ադրբեջանը շարունակում է ագրեսիվ հռետորաբանությունը, վարչապետն ընդգծեց.
«Գիտեք բառերը շատ կարևոր են: Մենք անվերջ չենք քարոզում խաղաղություն. Մենք խաղաղություն որոշակի շատ վերջավոր շրջանակում: Կողմերը պետք է լինեն նույն հաճախականության մեջ, եթե պետք է լինում, մենք մեր հաճախականությունը փոխում ենք, որպեսզի գործընկերներին բերենք նույն հաճախականության մեջ, որովհետև մեր խոսակցության ընդհանուր ոգին այն է, որ պետք է աշխատենք այս խնդրի խաղաղ կարգավորման վրա»:
Ն. Փաշինյանի խոսքերով՝ Հայաստանի իշխանությունները խաղաղություն չեն քարոզում, այլ առաջարկություններ են անում հարցի կարգավորման համար:
Նրա համոզմամբ՝ ցանկացած բանական մարդ կոնֆլիկտների լուծման հարցում նախընտրում է խաղաղության, այլ ոչ թե պատերազմի ճանապարհը: