Հանրային խորհուրդը ցավակցագիր է հղել Լևոն Գևորգյանի մահվան կապակցությամբ
17-04-2019 15:25:27 | Հայաստան | Մամլո հաղորդագրություն
Կյանքից հեռացավ «Արմենիկում» ծրագրի ղեկավար Լևոն Գևորգյանը, մարդ որն իր կյանքը նվիրել էր «Արմենիկումի» զարգացմանն ու հանրայնացմանը։ Նա վստահ էր, որ դեղամիջոցը կարող է լուրջ ազդեցություն ունենալ դեղագործական արդյունաբերության զարգացման գործում ոչ միայն Հայաստանում, այլև մեր երկրի սահմաններից դուրս։
Հանրային խորհուրդը, հաշվի առնելով հարյուրավոր հիվանդների կարծիքը, որոնց համար «Արմենիկումը» միակ արդյունավետ դեղամիջոցն էր, ոլորտի լավագույն մասնագետների հետ բազմիցս է քննարկել «Արմենիկումի» զարգացման հեռանկարները, գտել, որ այն նոր խոսք է դեղագործության բնագավառում և կարող է լուրջ ապագա ունենալ՝ միաժամանակ ընդգծելով այդ գործում պետական աջակցության անհրաժեշտությունը։
Հանրային խորհրդի և անձամբ իմ անունից խորին ցավակցություն եմ հայտնում Լևոն Գևորգյանի ընտանիքին, հարազատներին ու գործընկերներին՝ հույս հայտնելով, որ նրա սկսած գործը կիսատ չի մնա, իսկ Հանրային խորհուրդն այդ հարցում իր ջանքերը կներդնի։
ՀԱՅԵՐԵՆ
Русский
English
Դաս. հայերեն
French
