Նարեկ Դուրյանը ծննդյան 60-ամյակի կապակցությամբ հանդիսատեսին է ներկայացնելու նոր՝ «Սիրո մենյու» մոնո կատակերգությունը
26-04-2019 14:01:05 | Հայաստան | Մշակույթ
Ապրիլի 26-ին սիրված դերասան Նարեկ Դուրյանը տոնում է ծննդյան 60-ամյակը:
Նշանակալից հոբելյանի առթիվ դերասանը հերթական անակնկալն է պատրաստել իր հավատարիմ հանդիսատեսի համար:
Ապրիլի 26-ին ժամը 19:00 -ին «Բոհեմ» թատրոնում կկայանա «Սիրո մենյու» մոնո կատակերգության պրեմիերան՝ նվիրված Նարեկ Դուրյանի 60-ամյակին:
Արդեն ավանդույթ է դարձել, երբ դերասանն իր նշանակալից հոբելյանների առթիվ հանդիսատեսին նոր ներկայացում է մատուցում:
Հիշեցենենք, որ Նարեկ Դուրյանի 50-ամյակի կապակցությամբ հանդիսատեսի դատին են ներկայացվել «Սե լա վի», իսկ 55-ամյակին՝ «Կոմա Նոստրա» ներկայացումները:
«Նոյյան Տապան» լրատվական գործակալության խմբագրակազմը շնորհավորում է սիրված դերասանին՝ մաղթելով վերջինիս առողջություն, ստեղծագործական անսպառ եռանդ և նորանոր հաջողություններ: