Իշխանությունը ոչ մի ապօրինի ռեսուրս չի կիրառում իր թեկնածուների հաղթանակին հասնելու համար. Նիկոլ Փաշինյան (ՏԵՍԱՆՅՈՒԹ)
10-06-2019 12:36:15 | Հայաստան | Քաղաքական
Իշխանությունը ոչ մի ապօրինի ռեսուրս չի կիրառում իր թեկնածուների հաղթանակին հասնելու համար:
Այս մասին հունիսի 10-ին լրագրողների հետ ճեպազրույցում նշել է վարչապետ Նիկոլ Փաշինյանը՝ անդրադառնալով Աբովյան քաղաքում երեկ կայացած ընտրություններին, որոնց ընթացքում «Քաղաքացիական պայմանագիր» կուսակցությունից առաջադրված Գրիգոր Գուլյանը պարտվել է գործող քաղաքապետին:
Ըստ Ն. Փաշինյանի՝ Հայաստանում հեղափոխությունը հենց այն նպատակով է արվել, որպեսզի տեղ-տեղ իշխանությունը հաղթի կամ պարտվի:
«ՀՀ-ն ևս մեկ անգամ այս ընտրություններով արձանագրեց, որ ժողովրդավարական երկիր է, որտեղ քաղաքացիներն իրավունք ունեն կատարել իրենց ընտրությունները, և իշխանությունը ոչ մի ապօրինի ռեսուրս չի կիրառում իր թեկնծաուների հաղթանակին հասնելու համար»,- ընդգծեց վարչապետը: