Չեխիայի Լիդիցե քաղաքի կերպարվեստի մանկական միջազգային 48-րդ ցուցահանդեսի գրանցման վերջնաժամկետը փետրվարի 14-ն է
19-06-2019 18:02:26 | Հայաստան | Մշակույթ
1972 թվականից` ամեն տարի, Չեխիայի Լիդիցե քաղաքում անցկացվում է կերպարվեստի մանկական միջազգային ցուցահանդեսը: Այն ստեղծվել է ի հիշատակ 1942 թվականին Լիդիցե քաղաքի, ինչպես նաև այլ պատերազմների ժամանակ զոհված երեխաների: Ցուցահանդեսին մասնակցում է ավելի քան 80 երկիր, ներկայացվում են շուրջ 25000 աշխատանքներ:
2020 թվականին ՅՈՒՆԵՍԿՕ-ի հետ համագործակցությամբ անցկացվող այս ցուցահանդեսի համար ընտրվել է «Լանդշաֆտ» խորագիրը: Ցուցահանդեսին կարող են մասնակցել 4-16 տարեկան երեխաներ, անհատներ կամ դպրոցներ: Ցուցահանդեսին կարող են ներկայացվել նկարներ, լուսանկարներ, տպագրական նյութեր, ֆիլմեր և քանդակներ:
Մասնակցության հայտերն անհրաժեշտ է ներկայացնել առցանց, հետևյալ հղումով: Այստեղ կարելի է ծանոթանալ նաև ցուցահանդեսի վերաբերյալ այլ մանրամասների:
Առցանց գրանցման վերջնաժամկետը 2020 թ. փետրվարի 14-ն է:
ՀԱՅԵՐԵՆ
Русский
English
Դաս. հայերեն
French
