Կմեկնարկի Երևանի, ՀՀ մարզերի երաժշտական և արվեստի դպրոցների փոխգործակցության «Քույր-դպրոցներ» ծրագիրը
19-06-2019 18:18:36 | Հայաստան | Մամլո հաղորդագրություն
ՀՀ կրթության, գիտության, մշակույթի և սպորտի նախարարության աջակցությամբ ս. թ. հունիսի 19-ին կմեկնարկի Երևանի, ՀՀ մարզերի երաժշտական և արվեստի դպրոցների փոխգործակցության «Քույր-դպրոցներ» ծրագիրը:
Նախագծի կազմակերպիչն է Երևանի Ա. Հեքիմյանի անվան երաժշտական դպրոցը:
«Քույր-դպրոցներ» ծրագրի նպատակն է խթանել Երևանի, ՀՀ մարզերի երաժշտական և արվեստի դպրոցների սաների ու մանկավարժների միջև համագործակցության, գործնական հմտությունների ձեռքբերման և փորձի փոխանակման գործընթացը, որը կնպաստի նաև մշակույթի համաչափ զարգացմանը, գեղարվեստական կրթության հասանելիության և մատչելիության ապահովմանը:
Ծրագրի շրջանակում երևանյան 10, ինչպես նաև մարզային 10 երաժշտական և արվեստի դպրոցների միջև կհաստատվեն համատեղ համերգային ծրագրերի իրականացման, մշակութային կրթության մեթոդական աջակցության, ինչպես նաև ստեղծագործական կապեր, իսկ մասնակից 500 երեխաների համար նախատեսված են ճանաչողական այցեր Երևանի, ՀՀ մարզերի տեսարժան և պատմամշակութային վայրեր:
ՀԱՅԵՐԵՆ
Русский
English
Դաս. հայերեն
French
