ԼԻԲԱՆԱՆԻ ՀԱՅԱՍՏԱՆԻ ՀԱՆՐԱՊԵՏՈՒԹԵԱՆ ԴԵՍՊԱՆԸ Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻՆ ՄՕՏ

13-07-2019 12:40:49   | Լիբանան  |  Մամլո հաղորդագրություն
Վեհափառ Հայրապետին այցելեց Լիբանանի մօտ Հայաստանի Հանրապետութեան դեսպան Վահագն Աթաբէկեան, Պիքֆայայի Ս. Աստուածածին Վանքին մէջ:
 


Վեհափառ Հայրապետին եւ դեսպանին հանդիպումը առիթ հանդիսացաւ վերարժեւորումի ենթարկելու Անթիլիասի Մայրավանքին մէջ քանի մը օրեր առաջ տեղի ունեցած հայ մամուլի համահայկական համագումարը: Անոնք կարեւորութեամբ ընդգծեցին յիշեալ համագումարին
եզակի կարեւորութիւնը՝ թէ՛ իր ունեցած համահայկական տարողութեամբ եւ թէ հարցերու անկեղծ եւ իրապաշտ քննարկումով:
 
Հայրապետը յատկապէս շեշտեց մամլոյ ազատութիւնը անեղծ պահելու հրամայականը, ինչպէս նաեւ մեր ժողովուրդը յուզող հարցերուն գծով մամուլին քննական, իրապաշտ ու պատշաճ մօտեցումը՝ հեռու մնալով ամէն տեսակ ապատեղեկատուական մօտեցումներէ: Ան նաեւ յիշեց, որ համագումարով սկսուած գործընթացքը անհրաժեշտ է որ շարունակուի Հայաստան-Արցախ-Սփիւռք եռամիութեան մամլոյ պատասխանատուներուն ամբողջական ու համապարփակ մասնակցութեամբ:
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 662 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար