ՊՆ-ն առաջարկում է մտավոր հետամնացության բոլոր դեպքերում սահմանել ոչ պիտանի զինվորական ծառայության համար
16-07-2019 13:27:20 | Հայաստան | Ի՞նչ է գրում մամուլը
Պաշտպանության նախարարության խոսնակ Արծրուն Հովհաննիսյանը պարզաբանում է տարածել զինծառայող Յուրի Բրոյանի հարցով: Նա Ֆեյսբուքի իր էջում գրել է.
«Յուրի Բրոյանի հարցով պարզաբանենք, որ ՀՀ ՊՆ-ը հետևողական է, որպեսզի առողջական որևէ խնդիր ունեցող քաղաքացի չզորակոչվի ԶՈւ-եր, իսկ զինծառայողները որոնք ունեն առողջական խնդիրներ ծառայությունից վերադառնան առողջացած: Ներկայումս ՀՀ ՊՆ-ն կողմից ՀՀ Վարչապետի աշխատակազմ է ներկայացվել ՀՀ Կառավարության 12.04.2018թ. 404 որոշման մեջ փոփոխություններ կատարելու նախագիծ, որի համաձայն խմբագրվում է զինվորական ծառայության հետ առնչությունը որոշող հիվանդությունների ցանկի առաջին հոդվածը:
Դրանով առաջարկվում է մտավոր հետամնացության բոլոր դրսևորումներով ուղեկցվող հիվանդությունը սահմանել ոչ պիտանի զինվորական ծառայության համար: Մինչև նշված փոփոխությունների ընդունումը ՀՀ ՊՆ-ը իրավասու չէ կատարել այնպիսի գործողություններ, որոնք սահմանված չեն օրենքով կամ համապատասխան հարաբերությունները սահմանող այլ նորմատիվ իրավական ակտերով»:
ՀԱՅԵՐԵՆ
Русский
English
Դաս. հայերեն
French
