Ադրբեջանից Ռուսաստան ուղարկված 18 տոննա լոլիկում կարանտինային օբյեկտ է հայտնաբերվել.Tert.am
18-07-2019 18:19:51 | Հայաստան | Ի՞նչ է գրում մամուլը
Ռուսաստանի Դաշնության Մոսկվայի մարզի Մոժայսկի շրջանում գտնվող բուսասանիտարական հսկիչ կետում հուլիսի 14-ին Ադրբեջանից ներկրված 18 տոննա կշռող թարմ լոլիկի խմբաքանակի զննության ժամանակ հայտնաբերվել է կարանտինային օբյեկտ՝ լոլիկի հարավամերիկյան ցեց, գրում է minval.az-ը՝ ՌԴ անասնաբուժական և բուսասանիտարական վերահսկողության հարցերով «Ռոսսելխոզնադզոր» դաշնային ծառայության Մոսկվայի և Տուլայի մարզերի վարչության մամուլի ծառայությանը հղումով:
Լաբորատոր փորձաքննությունը հաստատել է կարանտինային օբյեկտի առկայությունը։
Ռուսաստանի բուսասանիտարական օրենսդրության համաձայն՝ վարակված կարանտինային արտադրանքի սեփականատիրոջ կողմից որոշում է ընդունվել լոլիկի խմբաքանակի վարակազերծում անցկացնելու վերաբերյալ: