Ջավախքում շարունակվում են ներդրումային ծրագրերը


Ջավախքում շարունակվում են ներդրումային ծրագրերը

  • 14-08-2019 13:25:43   | Վրաստան  |  Մամլո հաղորդագրություն

 
«Ջավախքին աջակցություն» հիմնադրամի որդեգրած Ջավախքի տնտեսական զարգացման առաքելությանը համապատասխան oգոստոսի 10-ին Հոգաբարձուների խորհրդի նախագահ Սոս Սահակյանի անձնական միջոցներով Ասպինձայի շրջանի Դամալա գյուղում բացվեց հացաբուլկեղենի արտադրամաս, ինչը նաև բխում է Դիլիջանում հունիս ամսին տեղի ունեցած հայ-վրացական միջկառավարական հանձնաժողովի նիստի և գործարար համաժողովի ընթացքում ձեռք բերված պայմանավորվածություններից։ Արտադրամասում արդեն աշխատում է 10 աշխատող, որոնց թիվը կեռապատկվի մեկ տարում։
 
Բացման արարողության ժամանակ Սոս Սահակյանը հայտարարեց, որ հացաբուլկեղենի արտադրամասի գործունեությունից ստացված շահույթը կուղղվի Ջավախքում, մասնավորապես Դամալա գյուղում իրականացվող բարեգործական և ներդրումային ծրագրերի ֆինանսավորմանը:
 
Նույն օրը Դամալայում տեղի ունեցավ նաև պարոն Սահակյանի կառուցած տան տնօրհնեքի արարողությունը. 52 տարի անց իրականացավ Սոս Սահակյանի՝ իր ծննդավայրում կրկին սեփական տուն ունենալու ցանկությունը՝ դառնալով մեծ բարեգործին իր հայրենի Ջավախքի հետ կապող ևս մեկ օղակ: 
 
Նորակառույց տանը նշվեց նաև Սոս Սահակյանի ծննդյան 70-ամյակը։
 
Նոյյան տապան  -   Մամլո հաղորդագրություն

https://s1.merlive.am/Noian_Tapan/embed.html?autoplay=false&play