«Մարդու իրավունքների եզդիական կենտրոնի» հայտարարությունը եզդիաբնակ Ֆերիկ գյուղում ստեղծված իրավիճակի վերաբերյալ
12-09-2019 14:36:18 | Հայաստան | Իրավունք
Երեկ ՝ սեպտեմբերի 11-ին միջադեպ է տեղի ունեցել Արմավիրի մարզի եզդիաբնակ Ֆերիկ գյուղում:
Ոստիկանները փորձել են բացել ՝ եզդիական Ֆերիկ գյուղի արոտավայրեր տանող ճանապարհները ,որոնք գյուղացիները արդեն փակ են պահում մի քանի ամիս ՝ թույլ չտալով ,որ ապօրինի զավթված հողատարածքում որևէ մեկը շահագործման փորձեր կատարի :
Գյուղի գյուղատնտեսական հողատարածքները նախկին գյուղապետ Նորիկ Հայրապետյանը ապօրինի կերպով վաճառել է Մանվել Գրիգորյանի ազգականներ Զարզանդ և Հրանտ Գրիգորյաններին:
Հեղափոխությունից հետո վերջիններս հողատարածքը վաճառել են լիբանանահայ գործարարին, ով ոստիկանությունից պահանջում է բացել եզդիական գյուղին պատկանող արոտավայրեր տանող ճանապարհը:
Նշված գյուղատնտեսական հողերը եզդիական գյուղի ապրուստի միակ միջոցն են և հողերի զավթումը շարունակվելու դեպքում եզդիների կսկսեն արտագաղթել գյուղից:
«Մարդու իրավունքների եզդիական կենտրոն» իրավապաշտպան կազմակերպությունը կոչ է անում
Ֆերիկ համայնքի բնակիչներին
•Օրենքով սահմանված կարգով շարունակել խաղաղ , ոչ բռնի բողոքի ակցիաները և թույլ չտալ, որպեսզի եզդիական գյուղը կորցնելով իր զբաղվածության միակ աղբյուրը ՝ գյուղատնտեսությունը, արտագաղթի գյուղից ,որի արդյունքում կավելանա եզդիների արտագաղթը Հայաստանից
•Ցուցաբերել հարգալից վերաբերմունք օրենքի ներկայացուցիչների նկատմամբ և չտրվել սանդրանքներին
Քննչական մարմիններին , մարդու իրավունքների պաշտպանին
•Ապահովել թափանցիկ, լիարժեք քննություն և բացահայտել մեղավորների ամբողջ շրջանակը:
•Քրեական գործի քննության ընթացքում հաշվի առնել գյուղի էթնիկ եզդիներով բնակեցված լինելու հանգամանքը և գործը քննելիս խտրականության հիմքով հանցագործության էլեմենտների առկայության դեպքում դրանք քնել գործի հիմքում և չանտեսել:
•Լիարժեքորեն բացահայտել ենթադրյալ հանցագործություն կատարած անձանց կողմից տվյալ գյուղում եզդիների նկատմամբ կատարված այլ հանցագործությունները:
•Գործի քննության ընթացքում ցուցաբերել անաչառություն ,օբյեկտիվություն և առաջնորդվել մարդու իրավունքների վրա կենտրոնացված մոտեցմամբ
Արմավիրի մարզպետարանին
•Չկիրառել ճնշում համայնքի ղեկավարի վրա և չփորձել լռեցնել գյուղացիներին ՝ ոտնահարելով նրանց ՝ խաղաղ հավաքներ անցկացնելու և համայնքային գույքը սեփական հայեցողությամբ տնօրինելու իրավունքը
•Գործի քննության ընթացքում չմիջամտել դրան և չկայացնել որոշումներ, որոնք կողմերին կարող են տալ առավելություններ
Պետական կառավարման մարմիններին , Ազգային ժողովին
•Ցուցաբերել քաղաքական կամք խնդրի լուծման համար
•Մշակել անցումային արդարադատության տրամաբանության մեջ մտնող մեխանիզմներ, որոնք նման իրավիճակներում կապահովվեն խնդիրների արագ և արդար լուծումը:
«Մարդու իրավունքների եզդիական կենտրոնը» շարունակելու է հետևել դեպքերին զարգացմանը և իրավական օժանդակություն կցուցաբերի համայնքի բնակիչներին:
«Մարդու իրավունքների եզդիական կենտրոն» իրավապաշտպան կազմակերպություն
ՀԱՅԵՐԵՆ
Русский
English
Դաս. հայերեն
French
