Կայացել է միգրացիոն հոսքերի կառամարման թեմայով ուսումնավարժությանը նվիրված աշխատանքային հանդիպում
17-09-2019 17:45:03 | Հայաստան | Հասարակություն
Սեպտեմբերի 17-ին Արտակարգ իրավիճակների նախարարությունում տեղի ունեցավ «Աղետների կամ ռազմական գործողությունների ժամանակ միգրացիոն հոսքերի կառամարման գործողություններ» թեմայով շտաբային ուսումնավարժության կազմակերպմանը և անցկացմանը նվիրված աշխատանքային հանդիպում:
Միջոցառմանը մասնակցում էին ուսումնավարժությանը ներգրավված պետական մարմինների և ՄԱԿ-ի փախստականների հարցերով գերագույն հանձնակատարի հայաստանյան գրասենյակի ներկայացուցիչները:
Ողջունելով հյուրերին, փրկարար ծառայության տնօրեն, փ/ծ գնդապետ Արտակ Նահապետյանը նշեց, որ աղետների կամ ռազմական գործողությունների ժամանակ միգրացիոն հոսքերի կառամարման գործողությունների պլանը ուղարկվել է կառավարության հաստատմանը, իսկ հանդիպման մասնակիցներից ակնկալում է ակտիվ և արդյունավետ քննարկում:
Ըստ վարժանքի սցենարի, Միջին Արևելքում և Ասիայում տեղի ունեցող ճգնաժամի հետևանքով, հայկական մի շարք սահմանային անցակետերում նկատվում են ՀՀ պետական սահմանը հատել ցանկացող մարդկանց թվաքանակի աճ: Մասնավորապես, Բավրայի, Գոգավանի և Բագրատաշենի անցակետերը հաղորդում են դեպի Հայաստան մուտք հայցողների աճող թվաքանակի մասին:
Թեև սահմանը հատող հայցողների մեծամասնությունն էթնիկ հայեր են, զգալի թվաքանակ են կազմում նաև այլ ազգերի և տարբեր դավանանքների մարդիկ, որոնք փախուստի են դիմել իրենց հայրենի հողերում անվերջ շարունակվող ճգնաժամերից: Նրանք Հայաստանը դիտարկում են որպես երկիր, որը շարունակում է ընդունել ապաստան հայցողներին և լիահույս են մուտք ունենալ և մնալ առնվազն այնքան ժամանակ, մինչև հակամարտությունները հանդարտվեն այնտեղ, որտեղից ժամանել են:
Բավրայի սահմանային անցակետում գրանցվել է սահմանը հատել ցանկացող մարդկանց առավելագույն քանակ (ըստ վարժանքի սցենարի՝ շուրջ 5 000 անձ): Բավրայի սահմանապահ ծառայության պաշտոնատար անձը զեկուցել է վերադաս մարմնին ստեղծված իրավիճակի վերաբերյալ, առաջարկելով հոսքերի կառավարման նպատակով՝ պետական սահմանի անցման կետում ստեղծել հոսքերի ընդունման հավաքակայան:
Վարժանքը նախատեսվում է անցկացնել 3 փուլով:Առաջին փուլում հոկտեմբերի 16-ին Գյումրիում նախատեսվում է անցկացնել հանրապետական հանձնաժողովի հավաք և գործողությունների խաղարկում: Հաջորդ օրը՝ հոկտեմբերի 17-ին, նախատեսվում է Բավրայի անցակետում իրականացնել սահմանակետի գողծողությունների ընթացակարգի փորձարկում, որին կհաջորդի ճամբարային ավանի ծավալումը, աշխատանքների կազմակերպումը և արդյունքների ամփոփումը:
Հանդիպման շրջանակներում կայացավ կարծիքների ակտիվ փոխանակում: Առարկայորեն քննարկվեցին գործողությունների իրականացման համար պատասխանատու խմբերի կազմը և գերատեսչությունների ներկայացվածությունը, ճամբարային ավանի կառուցվածքը, ստեղծմանը և կառավարմանը առնչվող հարցեր: Դիտարկվեցին տրանսպորտային, սննդային, իրային ապահովման և տեղեկատվության տրամադրման հետ կապված խնդիրները:
ՀԱՅԵՐԵՆ
Русский
English
Դաս. հայերեն
French
