Արգենտինայում բախումներ են տեղի ունեցել ոստիկանության եւ
ցուցարարների միջեւ
22-07-2009 16:35:00 | Արգենտինա | Միջազգային
ԲՈՒԵՆՈՍ ԱՅՐԵՍ, 22 ՀՈՒԼԻՍԻ, ՆՈՅՅԱՆ ՏԱՊԱՆ: Զանգվածային
հուզումներ են տեղի ունենում արգենտինական Կորդոբա քաղաքում:
Բանվորների բողոքի խաղաղ ցույցը վերաճել է բախումների
ոստիկանության հետ:
Հարյուրավոր աշխատավորներ տեղի իշխանություններից պահանջում
էին, որպեսզի վերացվի վերջերս ընդունված օրենքը, համաձայն որի,
գործատուն կարող է չվճարել արտաժամյա աշխատանքի համար: Ակցիան
ավարտվել է իսկական փողոցային մարտերով. ցուցարարները գրոհել են
ոստիկանների վրա, որոնք կրակել են ռետինե գնդակներով: Կարգի
պահապաններին հաջողվել է ձերբակալել 11 ամենաակտիվ ցուցարարների:
Չնայած դրան, բողոքի ցույցերը դեռ շարունակվում են, հաղորդում է
«Վեստին»: