Սերժ Թանկյանի «Գավաթ»-ը Լոս Անջելեսից հասավ Հայաստան (ՏԵՍԱՆՅՈՒԹ)
11-10-2019 18:30:53 | Հայաստան | Հասարակություն
Բոլոր նրանք, ովքեր չեն պատկերացնում իրենց լուսաբացն ու առօրյան առանց մեկ գավաթ սուրճի, այսուհետ ունեն սուրճի ընտրության ևս մեկ հնարավորություն:
Հայկական շուկա է մուտք գործել Kavat (Գավաթ) առաջին օրգանիկ սուրճը, որի արտադրությունը նախորդ տարի սկսվել է Լոս Անջելեսում, իսկ արտադրության հեղինակը և բրենդի սեփականատերը աշխարհահռչակ երգիչ, System of А Down ռոք խմբի հայազգի մենակատար Սերժ Թանկյանն է:
Հայաստան ժամանած արտիստին սեփական բրենդի ներկայացման կապակցությամբ շնորհավորելու էին եկել Հայաստանի վարչապետը՝ տիկնոջ հետ, Երևանի քաղաքապետը, բարձրաստիճան այլ պաշտոնյաներն ու ընկերները:
Տոնական երեկոյի ընթացքում մասնակիցները հնարավորություն ունեցան ոչ միայն տեղում վայելելու «Գավաթ» սուրճը, այլև իրենց հետ տանելու ինքնատիպ փաթեթավորմամբ և Սերժ Թանկյանի ստորագրությամբ կնքված տուփերը: