«Օրրան»-ի սաները «Ավրորա»-ի մրցանակակիրների հետ հանդիպմանը հայկական մոտիվերով բեմադրությամբ են հանդես եկել
21-10-2019 17:15:56 | Հայաստան | Հասարակություն
2019 թ. հոկտեմբերի 19-ին Արմենիա Մարիոթ հյուրանոցում տեղի է ունենացել «Ավրորա» մարդասիրական մրցանակաբաշխության նախորդ տարիների մրցանակակիրների` Չո Լա Աունի, Թոմ Քաթինայի, Մարգարիտ Բարանկիցեի, և այս տարվա 3 թեկնածուների` Միրզա Դինայիի, Հուդա ալ-Սարարիի, Զանա Բուկար Մուստաֆայի հանդիպումը «Օրրան» բարեգործական հասարակական կազմակերպության շահառու երեխաների և Դիլիջանի միջազգային դպրոցի աշակերտների հետ: «Օրրան»-ի սաները «Ավրորա»-ի մրցանակակիրներին և թեկնածուներին ողջունել են հայկական մոտիվերով պատրաստված փոքրիկ բեմադրությամբ, իսկ հետո ճաշել են նրանց հետ:
Ճաշից հետո նրանք միասին փորձել են բացահայտել և վեր հանել աշխարհի տագնապ ահազանգող խնդիրները: Այնուհետև դրանք խորհրդանշական զանգերի տեսքով ամրացվել են հյուրանոցի մուտքի մոտ տեղադրված Սարդարապատի հուշահամալիրի փայտե մակետին:
Մարդասիրական նպատակներ հետապնդող այս կազմակերպությունների ներկայացուցիչների հանդիպումը իսկապես մեծ իրադարձություն է, որն ուղերձ ունի աշխարհին, այն է` ուշադրություն դարձնել աշխարհում առկա գլոբալ խնդիրներին, որոնցից են պատերազմները, բնապահպանական խնդիրները, երեխաների` հավասար կրթական իրավունքների խնդիրը և այլն:
ՀԱՅԵՐԵՆ
Русский
English
Դաս. հայերեն
French
