Հայաստանի համայնքների միությունը Վարչության նոր կազմ ունի

11-11-2019 11:23:46   | Հայաստան  |  Մամլո հաղորդագրություն
Նոյեմբերի 10-ին տեղի ունեցավ Հայաստանի համայնքների միության հանրապետական խորհրդի նիստ: Խորհրդի կազմից ընտրվեց Միության Վարչության նոր կազմը: 
 

Վարչության լիազորություններն ավարտվել էին, և փակ, գաղտնի քվեարկությամբ տեղի ունեցան Միության Վարչության կազմի նոր ընտրություններ: 
 
Վարչության կազմն ընտրում է Հանրապետական խորհուրդը՝ իր կազմից 2,5 տարի ժամկետով: Վարչության անդամներն են Երևանի, Գյումրու, Վանաձորի քաղաքապետերը, յուրաքանչյուր մարզից մեկ քաղաքային բնակավայր ունեցող համայնքի
ղեկավար և մեկ գյուղական համայնքի ղեկավար, Միության նախագահը և Միության վեց մշտական հանձնաժողովների նախագահները, ինչպես նաև ըստ սահմանված քվոտայի՝ երկու կին համայնքի ղեկավար:
 
Միության Վարչության նիստերը հրավիրվում են տարին առնվազն չորս անգամ: Վարչությունն ապահովում է Ընդհանուր ժողովի և Հանրապետական խորհրդի որոշումների իրականացումը, ինչպես նաև իրականացնում է Միության տարեկան աշխատանքային պլանի, ֆինանսական կառավարման և կառավարման մարմինների որոշումների իրականացման գործընթացների վերահսկողություն: Վարչությունը նաև մշակում է Միության միասնական դիրքորոշումները՝ ներկայացնելով Հանրապետական խորհրդի հաստատմանը և համակարգում է Միության շահերի պաշտպանության գործունեությունը՝ Ազգային ժողովի, Կառավարության և պետական կառավարման այլ մարմինների հետ հարաբերություններում:  
 
 
Հայաստանի համայնքների միություն
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 306 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար