«Ի՞նչ կլիներ Վարդան Ղուկասյանի հետ, եթե նման հայտարարությամբ հանդես գային Ռոբերտը կամ Սերժը». Արտակ Գալստյան

21-11-2019 14:56:31 | Հայաստան | Իրավունք

Վարչապետը ուղղակի ակնարկելով ԲՀԿ պատգամավոր Վարդան Ղուկասյանին հայտարարեց, որ վերջինս թալանել է Գյումրի քաղաքի կեսը։

Վարչապետի այս հայտարարությանը արձագանքեցին բոլորը, բացի ուժայիններից։

Մինչդեռ հենց նրանք էին պարտավոր։

Այսպես՝

Գլխավոր Դատախազը պետք է ցուցում տար նախապատրաստել նյութեր։

ԱԱԾ, Ոստիկանություն, Քննչական Կոմիտե, պարտավոր էին անմիջապես իրականացնել քրեական դատավարության օրենսգրքով սահմանված գործողությունները։

Սակայն վերջիններս ոչինչ չձեռնարկեցին։

Արդյունքում այսօր որոշ մարդիկ կրկին կառավարության դիմաց են և ուժայինների անգործությունը, որպես Վարդան Ղուկասյանի անմեղության ապացույց դիտարկելով պահանջում են քրեական գործ հարուցել Վարչապետի նկատմամբ, սուտ մատնության հանցակազմով։

Ամփոփեմ՝

Քանի դեռ պետական համակարգում իշխում են նախկինները, սաբոտաժը շարունակվելու է և հեղափոխության սայլը տեղից չի շարժվելու։

Հ. Գ

Այժմ պատկերացրեք, ի՞նչ կլիներ Վարդան Ղուկասյանի հետ, եթե նման հայտարարությամբ հանդես գային իրենց իշխանության տարիներին, Ռոբերտը կամ Սերժը։

Արտակ Գալստյան

Իրավապաշտպան