Արայիկ Հարությունյանը պատասխանել է երկու բուհ Վանաձոր տեղափոխելու մասին Էդմոն Մարուքյանի առաջարկին
20-12-2019 15:46:32 | Հայաստան | Ի՞նչ է գրում մամուլը
Ազգային ժողովի Լուսավոր Հայաստան խմբակցության ղեկավար Էդմոն Մարուքյանը Կրթության, գիտության, մշակույթի և սպորտի նախարար Արայիկ Հարությունյանից ստացել է մի շարք բուհերը Վանաձոր տեղափոխելու նախաձեռնության մասին իր առաջարկի պատասխանը: Մարուքյանը Հարությունյանի պատասխանը հրապարակել է Ֆեյսբուքի իր էջում՝ գրելով
«Կարևորելով ՀՀ տարածքային համափաչ զարգացման սկզբունքը՝ հոկտեմբերի 29-ին գրությամբ դիմել էի ՀՀ վարչապետ Նիկոլ Փաշինյանին՝ Հայաստանի ազգային ագրարային համալսարանը կամ Հայաստանի պետական տնտեսագիտական համալսարանը Վանաձոր տեղափոխելու հարցը քննարկելու վերաբերյալ։
Այսօր ստացել եմ ՀՀ կրթության, գիտության, մշակույթի և սպորտի նախարար Արայիկ Հարությունյանի պատասխանը նշյալ հարցի առնչությամբ, որը ներկայացնում եմ ստորև»։