Ապօրինի ծառահատում Եղեգնուտ գյուղի հարակից անտառում
28-12-2019 13:56:28 | Հայաստան | Իրավունք
Դեկտեմբերի 27-ին, ժամը 20.30-ի սահմաններում, ոստիկանության Թումանյանի բաժնի ՊՊԾ դասակի ծառայողները, ապօրինի ծառահատումների դեմ տարվող պայքարի շրջանակներում, Եղեգնուտ-Դսեղ ճանապարհին ստուգման նպատակով կանգնեցրել են «ԳԱԶ-66» մակնիշի մեքենան` բեռնված շուրջ 4.5 խմ փայտանյութով:
Եղեգնուտ գյուղի բնակիչ 50-ամյա վարորդը փայտանյութի օրինականությունը վկայող որևէ փաստաթուղթ չի ներկայացրել, հայտնել է, որ նույն օրը Եղեգնուտ գյուղի հարակից անտառում բենզասղոցի գործադրմամբ ծառ է հատել և տեղափոխում է իր տան բակ: Փայտանյութով բեռնված մեքենան բերվել է ոստիկանության Թումանյանի բաժնի հատուկ պահպանվող տարածք:
ՀԱՅԵՐԵՆ
Русский
English
Դաս. հայերեն
French
