15-01-2020 20:59:11 | Հայաստան | Ի՞նչ է գրում մամուլը
factor.am ԱԺ նախկին պատգամավոր, ԵԿՄ նախկին նախագահ Մանվել Գրիգորյանն այսօր դատարանի որոշմամբ ազատ արձակվեց կալանքից:
Դատախազության նախաձեռնությամբ արտահերթ նիստ էր գումարվել խափանման միջոցի հարցը քննարկելու համար՝ հաշվի առնելով Գրիգորյանի առողջական վիճակը։ Դատախազ Վահե Դոլմազյանը միջնորդեց Գրիգորյանի խափանման միջոցը վերանայել: Պաշտպանական կողմը միացավ այս միջնորդությանը: Դատարանը որոշեց Գրիգորյանին ստորագրությամբ ազատ արձակել: Հիշեցնենք, որ նա երեկ տեղափոխվել էր վերակենդանացման բաժանմունք։ Պաշտպանների պնդմամբ՝ վիճակը ծանր է։