Կլինի մեծ արտագաղթ, կլինեն անասնապահությունից հեռացողներ, դուք կխնդրեք հետո մեզ գալ, բայց մենք չենք գա. Մսավաճառները՝ ՍԱՏՄ պետին (ՏԵՍԱՆՅՈՒԹ)
16-01-2020 16:27:22 | Հայաստան | Հասարակություն
Ձեր կառավարության որոշումը ուժեղ պրեսի մեջ է դնում ժողովրդին. կլինի մեծ արտագաղթ, կլինեն անասնապահությունից հեռացողներ, դուք կխնդրեք հետո մեզ գալ, բայց մենք չենք գա:
Այս մասին հունվարի 16-ին կառավարության շենքի առջև հայտարարեց բողոք ակցիա իրականացնող մսավաճառներից մեկը՝ դիմելով ՀՀ կառավարությանը ենթակա սննդամթերքի անվտանգության տեսչական մարմնի ղեկավար Գեորգի Ավետիսյանին:
Հիշեցնենք, որ հունվարի 15-ից խստացվել է սպանդանոցային մորթը պարտադիր է դարձնելու մասին ՀՀ կառավարության 2018 թվականին ընդունված համապատասխան որոշումը, ինչն էլ դարձել է մսավաճառների դժգոհության պատճառ:
Ըստ ցուցարարի, եթե պետությունն իրենց մինչև հունիսի վերջ ժամանակ տա, իրենք փոքր տաղավարներ կկառուցեն, որտեղ էլ մորթ կիրականացնեն:
ՍԱՏՄ ղեկավարն արձագանքելով ցուցարարներին՝ նշեց, որ իր համար զարմանալի հարցեր են բարձրացվում, քանի որ գործող սպանդանոցների սեփականատերերի հետ բոլորովին այլ բան են պայմանավորվել:
«Մենք սպանադանոցների հետ նաև պայմանավորվել ենք, որ անասունի տեղափոխումն իրենք են իրականացնելու: Հիմա այստեղ այլ բաներ են խոսում, որոնք պետք է ճշտել»,- նկատեց Գեորգի Ավետիսյանը՝ առաջարկելով ցուցարարներին գնալ իրենց և սպանդանոցների սեփականատերերի հետ նախատեսված հանդիպմանը:
ՀԱՅԵՐԵՆ
Русский
English
Դաս. հայերեն
French
