«Մեդիա Պաշտպան»-ը կոչ է անում լրատվականներին մնալ բարոյականության սահմաններում
21-01-2020 11:31:59 | Հայաստան | Մամլո հաղորդագրություն
«Մեդիալաբ» լրատվականը շարունակել է mamul.am-ի ցինիկ վարքագիծը։ Լրատվականը ՀՀ ԱԱԾ նախկին տնօրեն Գեորգի Կուտոյանի մահվան հետ կապված ծաղրանկար է հրապարակել։
Սա թերևս անարգանք է մարդկային արժեքների նկատմամբ, քանի որ այս ծաղրանկարով նրանք անցել են բոլոր սահմանները։
«Մեդիա Պաշտպան» նախաձեռնությունը կոչ է անում լրատվականներին մնալ բարոյականության սահմաններում, կարևորել մարդկային արժեքները և չտրվել քաղաքական կամ այլ դիվիդենտներ հավաքելու գործին։
«Մեդիա Պաշտպան» նախաձեռնությունն անընդունելի է համարում այս քայլը։ Էթիկայի կանոններից ելնելով՝ ծաղրանկարը չենք տարածում, բայց հույս ենք հայտնում, որ նշված լրատվականը հրապարակավ ներողություն կխնդրի Գեորգի Կուտոյանի ընտանիքից և հարազատներից իր անհեռանկարային քայլի համար։
ՀԱՅԵՐԵՆ
Русский
English
Դաս. հայերեն
French
