Բացահայտվել են Դդմասար համայնքի հիմնական դպրոցի տնօրենի ապօրինությունները (տեսանյութ)
04-02-2020 16:01:33 | Հայաստան | Իրավունք
Ոստիկանության Թալինի բաժնում ստացված օպերատիվ տեղեկությունների հիման վրա նախապատրաստված նյութերով փաստական տվյալներ են ձեռք բերվել Դդմասար համայնքի հիմնական դպրոցի տնօրենի ապօրինությունների վերաբերյալ։
Մասնավորապես, քննությանը հայտնի տվյալներով՝ տնօրենը 2017 թվականին իր եղբորը հրամանագրել է որպես դպրոցի օպերատոր։ Պարզվել է, որ տղամարդը չի հաճախել աշխատանքի, իսկ դպրոցի պաշտոնատար անձինք կազմել են վճարման կեղծ հանձնարարականներ, ինչի հետևանքով մինչև 2019 թվականի դեկտեմբեր տղամարդը ստացել է 860 հազար դրամից ավելի գումար։ Այդ մասին տեղեկացնում է ոստիկանության լրատվական ծառայությունը:
Դեպքի առթիվ ոստիկանության Թալինի բաժնում պաշտոնեական կեղծիքի և յուրացման կամ վատնման հատկանիշներով հարուցված քրեական գործն ուղարկվել է տարածքային քննչական բաժին։
ՀԱՅԵՐԵՆ
Русский
English
Դաս. հայերեն
French
