Իսրայելի ԱԳՆ ղեկավարը համարում է, որ Պուշկինի նախնիները
եղել են եթովպիացի հրեաներ
03-06-2009 15:31:00 | Ռուսաստան | Միջազգային
ՄՈՍԿՎԱ, 3 ՀՈՒՆԻՍԻ, ՆՈՅՅԱՆ ՏԱՊԱՆ: Իսրայելի ԱԳՆ ղեկավար
Ավիգդոր Լիբերմանը կարծում է, որ ռուս մեծ բանաստեղծ Ալեքսանդր
Պուշկինի ծննդյան 210-ամյակը Իսրայելում ավելի լայնորեն է նշվում,
քան Ռուսաստանում, եւ որ բանաստեղծի երակներում հոսել է հրեական
արյուն:
«Երեկ երեկոյան քնելուց առաջ միացրի հեռուստացույցի ռուսական
ծրագիրը եւ նայում էի, թե ինչպես են տոնում Պուշկինի հոբելյանը:
Կարող եմ ասել, որ Իսրայելում Պուշկինի հոբելյանը նշում են շատ
ավելի տպավորիչ: Մենք այն եզրակացության ենք եկել, որ նա ունի
եթովպիական հրեայի արմատներ»,- ասել է Լիբերմանը ՌԴ վարչապետ
Վլադիմիր Պուտինի հետ հանդիպման ժամանակ:
Դրան ի պատասխան ռուսաստանցի վարչապետը նկատել է, թե
հավանաբար Իսրայելի բնակիչների վրա ազդում է Ռուսաստանի կարոտը: