Կուբան եւ Սալվադորը վերականգնել են դիվանագիտական
հարաբերությունները
02-06-2009 19:34:00 | | Միջազգային
ՍԱՆ-ՍԱԼՎԱԴՈՐ, 2 ՀՈՒՆԻՍԻ, ՆՈՅՅԱՆ ՏԱՊԱՆ: Սալվադորը եւ Կուբան
փաստաթուղթ են ստորագրել դիվանագիտական հարաբերությունները
վերականգնելու վերաբերյալ, որ խզվել էին 1959 թվականին Կուբայում
հեղափոխության հաղթանակից հետո, հաղորդում է «Ֆրանսպրեսը»:
Փաստաթուղթը ստորագրվել է Սան-Սալվադորում երկրի նախագահ
Մաուրիսիո Ֆունեսի երդմնակալության խոսքից հետո, որի ժամանակ նա
հայտարարել է Կուբայի հետ հարաբերությունները «անհապաղ»
վերականգնելու մասին: Արարողությանը ներկա են եղել լատինամերիկյան
երկրների շատ առաջնորդներ, ինչպես նաեւ ԱՄՆ-ի պետական քարտուղար
Հիլարի Քլինթոնը: