Չինաստանից ներկրվել է 100 հազար թեստերի ռեագենտ՝ տեղում ՊՇՌ թեստերի արտադրությունը սկսելու համար. Տիգրան Ավինյան
16-04-2020 12:45:12 | Հայաստան | Հասարակություն
Երեկ Չինաստանից ժամանած ևս մեկ ինքնաթիռով ներկրվել է 100 հազար թեստերի ռեագենտներ, որոնք փոխանցվելու են «Մոլեկուլյար կենսաբանության ինստիտուտ»-ին՝ ՊՇՌ թեստերի արտադրություն տեղում սկսելու համար:
Այս մասին ապրիլի 16-ին կայացած կառավարության նիտսի ընթացքում տեղեկացրեց ՀՀ փոխվարչապետ, պարետ Տիգրան Ավինյանը:
Ըստ նրա՝ Հայաստանում արտադրվող թեստերն ինքներս էլ կսպառենք:
«Ընդհանուր առմամբ՝ կարող է հնչել դիտարկում, որ հիմա բոլորը կենտրոնացած են նման սարքավորումներ արտադրելու վրա, այնուամենայնիվ, կարծում եմ՝ այդ ռիսկը նույնպես մենք գնահատել ենք և կարծում ենք, որ նույնիսկ այս փուլում հետազոտությունների և զարգացման վրա գումարի ծախսն արդարացված է, և հուսանք, որ կունենանք վերջնական արտադրանքը հենց այն տեսքով, ինչով որ սպասում ենք»,- ընդգծեց Տ. Ավինյանը:
ՀԱՅԵՐԵՆ
Русский
English
Դաս. հայերեն
French
