ՍԴ-ն Քրեական օրենսգրքի 300.1 հոդվածը ճանաչեց հակասահմանադրական
26-03-2021 18:37:40 | Հայաստան | Ի՞նչ է գրում մամուլը
panorama.am Սահմանադրական դատարանը Քրեական օրենսգրքի 300.1 հոդվածը ճանաչեց սահմանդրությանը հակասող։
«Քրեական օրենսգրքի 300.1 հոդվածը ճանաչել Սահմանդրության 78 և 79-րդ հոդվածներին հակասող և անվավեր»,- ՍԴ որոշումը հրապարակեց ՍԴ նախագահ Ա. Դիլանյանը՝ ավելացնելով, որ սույն որոշումը վերջնական է ու ուժի մեջ է մտնում հրապարակման պահից։
ՍԴ նախագահն ասաց, որ սույն գործով դատավոր Խունդկարյանը հատուկ կարծիք ունի որոշման պատճառաբանական մասի վերաբերյալ։
Նշենք, որ Սահմանադրության 78 -րդհոդվածը սահմանում է համաչափության սկզբունքը, իսկ 79-րդ հոդվածը որոշակիության սկզբունքը:
ՀՀ ՔՕ 300.1 հոդվածը սահմանում է սահմանադրական կարգը տապալումը, որով մեղադրանք է առաջադրված ՀՀ երկրորդ նախագահ Ռոբերտ Քոչարյանին, ԳՇ նախկին պետ Յուրի Խաչատուրովին, ու ՊՆ նախկին նախարար Սեյրան Օհանյանին: Ռոբերտ Քոչարյանի ներկայացուցիչն ու առաջաին ատյանի դատարանի դատավոր Դավիթ Գրիգորյանն էր դիմել ՍԴ՝ նշված հոդվածի սահմանադրականության հարցը որոշելու համար:
ՀԱՅԵՐԵՆ
Русский
English
Դաս. հայերեն
French
