Հովհաննես Իգիթյանը համատեղության կարգով նշանակվել է Էստոնիայում ՀՀ դեսպան
14-07-2022 20:07:12 | Հայաստան | Մամլո հաղորդագրություն
ՀՀ նախագահ Վահագն Խաչատուրյանի հրամանագրով՝ Հովհաննես Իգիթյանը համատեղության կարգով նշանակվել է Էստոնիայում ՀՀ դեսպան:
«Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի, ինչպես նաև «Դիվանագիտական ծառայության մասին» օրենքի 14-րդ հոդվածի 1-ին մասի.
Լիտվայի Հանրապետությունում Հայաստանի Հանրապետության արտակարգ և լիազոր դեսպան Հովհաննես Իգիթյանին, համատեղության կարգով, նշանակել Էստոնիայի Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Վիլնյուս)»,- նշված է որոշման տեքստում։
Հիշեցնենք, որ Հովհաննես Իգիթյանը նշանակվել էր նաև Լիտվայի Հանրապետությունում Հայաստանի Հանրապետության արտակարգ և լիազոր դեսպան: