Հստակ զուգահեռներ կան Հայոց ցեղասպանության և Լաչինի միջանցքի շրջափակման միջև. Փալոն
20-04-2023 15:12:59 | Հայաստան | Ի՞նչ է գրում մամուլը
Հայկական ժամանակ. ԱՄՆ Ներկայացուցիչների պալատի անդամ Ֆրենկ Փալոնը «Թվիթեր»-ի իր միկրոբլոգում տեղեկացրել է, որ Կապիտոլիումի բարձունքում հարգանքի տուրք է մատուցվել Հայոց ցեղասպանության զոհերի հիշատակին:
«Հստակ զուգահեռներ կան անցյալի այդ հանցագործությունների և Լաչինի միջանցքի շարունակվող շրջափակման միջև։ ԱՄՆ-ը պետք է արագ գործի, որպեսզի կանխի ճգնաժամը»,- գրել է կոնգրեսականը:
ԱՄՆ Կոնգրեսում Հայոց ցեղասպանության տարելիցին նվիրված միջոցառման ժամանակ էլ Փալոնը նշել է, որ Արցախում նախորդ տարիների և այժմ շարունակվող ագրեսիան, ինչպես նաև Լաչինի միջանցքի փակումը ոչ այլ ինչ է, քան ցեղասպանության շարունակություն:
Փալոնը հիշեցրել է, որ հայկական հարցերով հանձնախմբի անդամները բազմիցս խոսել են ԱՄՆ պետքարտուղարության հետ, որ Լաչինի միջանցքի արգելափակումն անընդունելի է:
ՀԱՅԵՐԵՆ
Русский
English
Դաս. հայերեն
French
