Կովկասում խաղաղություն չի լինի, եթե Ալիևը պատասխանատվություն չկրի հայ ժողովրդի դեմ ագրեսիայի համար. Փալոն
07-09-2023 14:49:46 | Հայաստան | Ի՞նչ է գրում մամուլը
armtimes.com ԱՄՆ կոնգրեսական Ֆրենկ Փալոնը կարծում է, որ խոսքերը պետք է վերածվեն գործողությունների, և Ադրբեջանի նախագահը պետք է պատասխանատվության ենթարկվի ԼՂ-ում էթնիկ զտման իր արշավի համար։
Այս մասին նա գրել է X-ի (նախկինում՝ «Թվիթեր») միկրոբլոգում՝ արձագանքելով Բլինքեն-Ալիև հեռախոսազրույցից հետո հրապարակված հաղորդագրությանը, թե Բլինքենը կրկնել է Լաչինի միջանցքը բացելու կոչը։
«Կովկասում խաղաղություն չի լինի, եթե Ալիևը պատասխանատվություն չկրի հայ ժողովրդի դեմ Ադրբեջանի ագրեսիայի համար»,- նշել է Փալոնը:
Մեկ այլ գրառման մեջ էլ նա գրել է. «Բլինքենն իրավացիորեն է կոչ անում դադարեցնել Լաչինի միջանցքի շրջափակումը, սակայն այս խոսքերին պետք է արձագանքել բովանդակալից գործողություններով։ Հատկապես, երբ Արցախում հումանիտար ճգնաժամը շարունակում է սրվել»:
ՀԱՅԵՐԵՆ
Русский
English
Դաս. հայերեն
French
