ԲԻՇՔԵԿ, 18 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Ղրղզստանը պատրաստվում
է փակել բիշքեկյան «Մանաս» օդանավակայանի ամերիկյան առանցքային
ավիաբազան, որն օգտագործվում է ռազմական գործողության ապահովման
համար Աֆղանստանում: Այս մասին հաղորդում է «Ֆրանսպրեսը»`
վկայակոչելով երկրի ղեկավարության ներկայացուցչի:
«Մենք պատրաստում ենք բազայի փակման համար անհրաժեշտ
թղթերը»,- հայտնել է Ղրղզստանի նախագահի վարչակազմի բարձրաստիճան
ներկայացուցիչը, որի անունը չի նշվում: Անձամբ նախագահ Կուրմանբեկ
Բաքիեւն ավելի վաղ ղրղզական «Քաբար» լրատվական գործակալությանը
տված հարցազրույցի ժամանակ նույնպես չէր բացառել ամերիկյան
ավիաբազայի փակման հնարավորությունը: