Փաշինյանն անդրադարձել է միջազգային ատյաններում Բաքվի դեմ գանգատներից հրաժարվելու մասին հարցին
12-03-2024 13:18:19 | Հայաստան | Ի՞նչ է գրում մամուլը
shantnews. Արդյո՞ք ՀՀ-ի օրակարգում կան միջազգային ատյաններում ընդդեմ Ադրբեջանի գանգատներից հրաժարվելու հարց:
Այսօրվա ասուլիսի ընթացքում ՀՀ վարչապետ Նիկոլ Փաշինյանը, հնչած հարցին անդրադառնալով, հայտնեց, որ բանակցությունների ժամանակ այդպիսի հարց քննարկվել և քննարկվում է։
«Դա տրամաբանական է, որովհետև եթե կողմերը կնքում են խաղաղության պայմանագիր, ինչո՞ւ են շարունակում իրավական պատերազմներն իրար դեմ: Եթե մենք խաղաղության պայմանագրի տեքստի շուրջ գալիս ենք համաձայնության և հասնում ենք ստորագրման փուլին, ես չեմ բացառում և նույնիսկ տրամաբանական կհամարեմ»,- նշեց վարչապետը:
Միաժամանակ նա հայտնեց, որ խոսքը վերաբերում է ինչպես Հայաստանի, այնպես էլ Ադրբեջանի հայցերին։
ՀԱՅԵՐԵՆ
Русский
English
Դաս. հայերեն
French
