15-03-2024 13:01:18 | Հայաստան | Ի՞նչ է գրում մամուլը
Հայկական ժամանակ. «Հայաստան-Թուրքիա հարաբերություններում շոշափելի արդյունքներ չկան, վերջնանպատակը իրականացված չէ՝ սահմանի ամբողջական բացում և դիվանագիտական հարաբերությունների հաստատում, բայց այնուամենայնիվ եղել են շատ ինտենսիվ իրադարձություններ»:
Այս մասին ԱԺ արտաքին հարաբերությունների հանձնաժողովի նիստում ներկայացնելով Կառավարության ծրագրի 2023 թվականի կատարման ընթացքը և արդյունքները՝ ասաց արտաքին գործերի նախարար Արարատ Միրզոյանը:
«Նախ հունվարի 6-ին Թուրքական կողմը տեղեկացրել է, որ վերացվել են ուղիղ օդային բեռնափոխադրումների արգելքները, այնուհետև՝ փետրվարի 6-ին, Թուրքիայում տեղի ունեցավ երկրաշարժ, որին Հայաստանը արձագանքեց հումանիտար դիրքորոշմամբ: Խորհրդանշական էր, որ հումանիտար օգնությունը (7 բեռնատար) Մարգարայի կամրջով սահմանը հատեցին և հասցրին դրա կարիքը ունեցող բնակչությանը»,- ասաց նախարարը:
Անդրադառնալով նախարարների մակարդակով հանդիպումներին և պայմանավորվածություններին՝ Միրզոյանը նշեց.
«Պայմանավորվածություն ձեռք բերվեց մասնակիորեն վերաբացել սահմանը, նաև պայմանավորվածություն ձեռք բերեցինք Անիի պատմական կամրջի համատեղ վերանորոգման մասին, հիմա արդեն կոնկրետ արձանագրություններ են փոխանակվում:
Ցավոք, մյուս պայմանավորվածությունը՝ սահմանի մասնակի բացումը, մինչև օրս իրականացված չէ, սակայն այս մասին պայմանավորվածությունը նոր նախարարի հետ վերահաստատել ենք»:
ՀԱՅԵՐԵՆ
Русский
English
Դաս. հայերեն
French
