2008 Թ.-Ի ՀՈԿՏԵՄԲԵՐԻՆ ՀԱՅԱՍՏԱՆՈՒՄ ՈՉ ՊԱՐԵՆԱՅԻՆ ԱՊՐԱՆՔՆԵՐԻ
ԳՆԵՐԸ 0,8%-ՈՎ ՆՎԱԶԵԼ ԵՆ
03-11-2008 19:00:00 | Հայաստան | Տնտեսություն
ԵՐԵՎԱՆ, 3 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Հայաստանի ոչ պարենային
ապրանքների շուկայում 2008թ.-ի հոկտեմբերին սեպտեմբերի համեմատ
գրանցված 0,8% գնանկման վրա իր անմիջական ազդեցությունն է թողել
բենզինի եւ դիզելային վառելիքի, համապատասխանաբար, 6,1% եւ 7,5%
գնանկումը:
ՀՀ Ազգային վիկագրական ծառայության տվյալներով, 2008թ.-ի
հոկտեմբերին սեպտեմբերի համեմատ հանրապետությունում գրանցվել է
կենցաղային էլեկտրաապրանքների, ոսկերչական ապրանքների,
շինանյութերի, մշակույթի ապրանքների 0,3-0,2% գնանկում:
Վառելիքի, կահույքի, գորգեղենի, անձնապիտո, գեղահարդարման
ապրանքների, տեքստիլեղենի, գրենական պիտույքների, հագուստի եւ
գործվածքի, կոշկեղենի գները նշված ժամանակահատվածում աճել են
0,1-1,9%-ով, իսկ խոհանոցային սպասքի, լվացող միջոցների եւ
դեղամիջոցների գների մակարդակը նախորդ ամսվա համեմատ մնացել է
անփոփոխ: