ԵՐԵՎԱՆ, 9 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հոկտեմբերի 28-ին Գերմանիայում կսկսվի վետերան շախմատիստների աշխարհի 18-րդ առաջնությունը: Հայտավորված են 60-ը բոլորած 318 մարզիկներ, որոնցից 13-ը գրոսմայստեր են: Մրցակարգը շվեյցարական է եւ բաղկացած է 11 փուլից: Հաղթողը կստանա 2500, երկրորդ մրցանակակիրը` 2000, իսկ 3-րդը` 1500 եվրո: Առաջին անգամ աշխարհի առաջնությանը կմասնակցի Հայաստանի բազմակի չեմպիոն, միջազգային վարպետ Էդվարդ Մնացականյանը:

---