Բաքվում մեկնարկել է Ալիև-Շտայնմայեր դեմ առ դեմ հանդիպումը
02-04-2025 12:21:16 | Հայաստան | Ի՞նչ է գրում մամուլը
tert.am. Բաքվում մեկնարկել է Ադրբեջանի նախագահ Իլհամ Ալիևի և Գերմանիայի Դաշնային Հանրապետության նախագահ Ֆրանկ-Վալտեր Շտայնմայերի դեմ առ դեմ հանդիպումը։
Դրանից առաջ Շտայնմայերը կնոջ՝ Էլկե Բյուդենբենդերի հետ այցելել է Շեհիդների պուրակ։
Հիշեցնենք, որ Գերմանիայի նախագահն Ադրբեջան է մեկնել Հայաստանից: Այստեղ նա հանդիպել էր վարչապետ Նիկոլ Փաշինյանի, նախագահ Վահանգն Խաչատուրյանի և Ամենայն Հայոց Կաթողիկոս Գարեգին Բ-ի հետ:
Նա ապրիլի 1-ին այցելել էր Մայր Աթոռ Սուրբ Էջմիածին: Կաթողիկոսը նախագահ Շտայնմայերին դիմել է խնդրանքով՝ Բաքվում բարձրաձայնել Արցախի ժողովրդի արդար իրավունքների, ինչպես նաև հայ ռազմագերիների ազատ արձակման, հայկական հոգևոր-մշակութային ժառանգության պահպանության հիմնախնդիրները։
Գերմանիայի նախագահը հավաստիացրել է Հայոց Հայրապետին, որ իր միջնորդական ջանքերը կգործադրի ի նպաստ տարածաշրջանում վերջնական խաղաղության հաստատման։
ՀԱՅԵՐԵՆ
Русский
English
Դաս. հայերեն
French
