ԿԺԴՀ-Ն ՊԱՏԱՍԽԱՆ ԿՏԱ ԻՐ ԻՆՔՆԻՇԽԱՆՈՒԹՅԱՆ ԴԵՄ ԱՄՆ-Ի ՑԱՆԿԱՑԱԾ
ՈՏՆՁԳՈՒԹՅԱՆ
08-09-2008 15:45:00 | Կորեայի Հանր. | Միջազգային
ՓՀԵՆՅԱՆ, 8 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: ԿԺԴՀ-ն կործանիչ
հարվածով կպատասխանի ժողովրդական հանրապետության ինքնիշխանության
եւ նրա ազգային շահերի դեմ ԱՄՆ-ի ցանկացած ոտնձգության փորձի: Այս
մասին հայտարարել է նախարարների կաբինետի նախագահ Կիմ Չեն Իրը
հանրապետության հռչակման 60-ամյակին նվիրված հանդիսավոր ժողովում:
ԿԺԴՀ-ի վարչապետն ընդգծել է, որ «ներկա պահին իրադրությունը
Կորեական թերակղզում շարունակում է լարված մնալ ԿԺԴՀ-ի նկատմամբ
ԱՄՆ-ի եւ իր մանկլավիկների թշնամական քաղաքականության պատճառով»:
«Նրանց գործողություններին, որ ուղղված են խեղդելու ժողովրդական
հանրապետությունը, զգոն հետեւում են մեր բանակն ու ժողովուրդը»,-
հայտարարել է Կիմ Չեն Իրը: