ԵՐԵՎԱՆ, 3 ՀՈՒՆԻՍԻ, ՆՈՅՅԱՆ ՏԱՊԱՆ: 2008թ.-ի հունվար-ապրիլին Հայաստանում առեւտրի շրջանառությունը, ընթացիկ գներով, կազմել է 397 մլրդ 874,4 մլն դրամ կամ մոտ 1 մլրդ 905 մլն 429 հազ. ԱՄՆ դոլար, ինչը 2007թ.-ի համապատասխան ժամանակաշրջանի նույն ցուցանիշի նկատմամբ, համադրելի գներով, աճել է 4,2%-ով: ՀՀ Ազգային վիճակագրական ծառայության տվյալներով, 2008թ.-ի հունվար-ապրիլին մանրածախ առեւտրի շրջանառությունը, ընթացիկ գներով, կազմել է 253 մլրդ 592,1 մլն դրամ, ինչը 2007թ.-ի համապատասխան ժամանակաշրջանի նույն ցուցանիշի նկատմամբ, համադրելի գներով, աճել է 3,5%-ով : 2008թ.-ի հունվար-ապրիլին ծառայությունների ծավալը, ընթացիկ գներով, կազմել է 171 մլրդ 740,8 մլն դրամ, ինչը 2007թ.-ի համապատասխան ժամանակաշրջանի նույն ցուցանիշի նկատմամբ, համադրելի գներով, աճել է 11,2%-ով:

---